Интересные моменты: военачальники, число жертв и т.д.
"ЛЂта божия нарожения 1534-го. Корол Жикгимонт Старыи и сын его король Жикгимонт Август послали Москвы воевати воиско литовское, a c тЂм воиском было панов, пан Юре Николаевичь Родивил. B то время приЂхали c Москвы князь \л.525об.\ Семен БЂлскии да Иван Луцкии, a c ними было четыреста Б конеи Б, и стрЂтили воиско живущЂе литовское в Магилеве. Там же в Магилеве гетман литовскии Юре Радивил c воиском лежал пят днии и послал гетмана дворного пана АндрЂя Немировича, воеводу киевскаго и пана Василя Чижа, конюшего дворного, c воиском на СевЂру. И пришли под Стародуб, Отчину В погромили, a c ним было 3000 людеи, a сам Овчина утек, и много людеи живых поимали. И от Стародуба пошли проч до Радогоща, и под Радогощом князя Борбошина побили и Радогощ город сожгли и много полону побрали, \л.526.\ и оттолЂ ходили под Почап, замком не взяли и пошли во свою землю к Г Литву Г на Кричев. A з другими людми посылал пан Юрье Родивил князя АндрЂя Коверскаго Д да князя Ивана Вишневецкого под Смоленеск. И Смоленскую землю извоевали и под городом были, и города не взяли, и в свою землю к Магилеву в целости пришли до домов своих. Тое ж зимы приходила москва к Полоцку и к Витебску и от Долгинова воротилися, все повоевали, a городом ничего не учинили. И князь Иван Шуискии от них отвернул и прибЂг к Витепску, \л.526об.\ a литва за ним погнали да не догнали.
ЛЂта божия нарожения 1535-го. Король Жикгимонт Старыи и милодыи Е послали гетмана литовскаго пана Юрья Родивила c воиском литовским на московского, a c ним было поляков много Ђздных и пЂших, наемных литовских на пенезях, a над ними был гетман пан Тарновскии и полскии. K тому земля Полская дала Ж на помоч за свои пенези 2000 людеи, a над ними был гетман пан познанскии. И тЂх всЂх ляхов пописали в Берести и пошли к Речицы, там ся сьЂхали c литовским воиском, обнечовалися y РЂчицы и от РЂчицы пошли \л.527.\ к Гомью, и Гомеи город взяли, и от ГомЂя пошли к Стародубу, и под Стародубом стояли четыре недели и не могли ево достат. И Ђздил боячи З, ибо людеи было в городе прибылых c Москвы и з городов СевЂрских велми много, и стрелба великая. Оли ж ляхове, которые c тЂм разумЂли Ербурд c торыщи И своими почалися копать под стену городовую, и когда подкопали и подложили зелия под стену з бочками, и зажгли кнотом, и выкинуло четыре городни в неделю на сятаго Иванна. B тот час всЂ ляхове кинулис c вороны к тои дирЂ, и москва почала боронитися, и была битва великая над тою \л.527об.\ дирою. Ту побили москвич и город зажгли, и всЂх воевод и дЂтеи боярских живых поимали, и воеводу стародубскаго князь Федора Оболенсково Овину К взяли, и иных добрых людеи. Детеи боярских гетман полскии Торновскии велЂл стинати из станов выводя, и стинали их тот де Л c цЂлыи Л, и много трупов мертвых стиненых лежаше до тысечи. A иж на переписи было y князя Федора Овчины, что в том городе СтародубЂ было всЂх людеи и з женами и з детми 24 000, и всЂ там погибли, много простых людеи и жен и дЂтеи в полон к Лит†\л.528.\ отведено. И услышали то москва в другом городе, в Почепе, и убоялися того ж, сами город сожгли и побЂгли ко Брянску. И потом литва и ляхове оттолЂ пошли в свою землю, много лиха учинивши Московскои земли. Того лЂта князь Юре Семеновичь Слуцкии со всЂми людми своими и пан Николаевич Радивил, и староста жемоицкии со всею землею Жемоицкою, и пан Ян ГлЂбович, воевода полотцкии, со всЂми полочаны, и воевода витепскии пан МатвЂи Воитехович Яновича c витябляны, лежали в Полотцку для бережения от Москвы тое украины. \л.528об.\
Потом в год лЂта божия нарожения 1536-го пан виленскии, етман литовскии пан Юре Родивил лежал c воиском литовским за Друцком на Друви в Репухове всЂ лЂто даже до Покрова, и там всЂ воиско свое разспустил."
